«Լեռնային Ղարաբաղի հակամարտության լուծման գործում չի կարելի շտապել։ Աշխարհում շատ են եղել նման հակամարտություններ։ Իհարկե, մենք ճանաչում ենք Լեռնային Ղարաբաղը որպես օկուպացված տարածք։ Սակայն այդ խնդրի լուծման համար անհրաժեշտ է քաջ համբերություն։ Դա բազմիցս նշել է նաև Ռուսաստանի ղեկավարությունը»,– ադրբեջանական ԶԼՄ–ների փոխանցմամբ՝ այդ մասին լրագրողներին հայտարարել է ՌԴ ԱԳՆ Ստավրոպոլի շրջանի ներկայացուցիչ Լեոնիդ Ֆիլիմոնովը։

Նշելով, որ Լեռնային Ղարաբաղի հակամարտության լուծումով զբաղվում է նաև ԵԽԽՎ Մինսկի խումբը, Լ. Ֆիլիմոնովը հավելել է.

–Կարծում եմ՝ այն աշխատանքը, որը կատարում է Ռուսաստանը Մինսկի խմբի շրջանակներում, կտա իր արդյունքները։